Ek nanhi si jaan thi,
Ek pyara sa dil tha,
Jiske sapne bade hi masoom the,
Uski maa pe aapni jaan chidakti thi,
Aur dil mein ek lagan thi,
Mein ye karungi woh karungi,
Duniya bhaar ki baatein thi,
Woh toh bas ek kahani thi,
Jismein woh naani jaan ki jaan thi,
Ek tha pyar jisko kehti woh duniya thi,
Par phir bhi woh pareshan thi,
Pyar karte karte woh zehar baan gaya,
Ek waqt aane par jinda lash bani,
Dil ke ho gaye tukde haazar,
Phir bhi uski saasein chalu thi,
Utne mein ek shehjaada aaya,
Tute dil mein ashiyana sajaya,
Bikhre hue dil ke tukdo par,
Unka naam bade pyar se sajaya,
Din raat woh unki deewani bani,
Socha meri bhi aab ek kahani baani,
Sab batore hue dil ke tukde ko,
Woh dhage se bandh rahi thi,
Ye duniya ne us par ungli uthayi aur,
Tute hue dil ke banaye hue ashiyane par,
Shabd ki talwar se jaleem duniya ne bikher diya,
Dil ke tukde ke toh phurje phurje aab ho gaye the,
Phir bhi woh atal thi apne irado par ke,
Meri bhi kahi kabhi ek zindagani banegi,
Usne socha ke ayye pagli tu daar maat,
Woh phurjo mein se bhi jo khoon beh raha hai,
Woh khoon ke har ek katre mein dekh unka hi naam hai,
Ye dekh kar deewani phir se samet ne laagi woh phurjo ko,
Kai khoon ke asu royi phir bhi har pal woh phurje batorti gayi,
Woh phurje din raat aapni joli mein bhaar rahi thi ke,
Kahi koi phurja reh na jaaye,
Is rahiz duniya ke kadmo ke neeche aakar,
Mera ashiyana koi aake kuchal na jaaye,
Haste, ladkhade, rote hue,daam todte hue, har pal maar ke bhi usne woh
“ASHIYANA” akhir mein banaya, behaad hi khush thi woh dil ka gosla bun kar,
Usne ek pal ko hateli mein lekar dekha uska chota ashiyana,
Aur chehre pe halki si muskan aayi par,
Dusre pal ko uski maut ho gayi ye dekh kar,
Ke uske hateli mein rakhe hue ashiyane se “KHOON KI BUNDEIN”
Jameen par tapak rahi thi…..
KHOON KI BUNDEIN:- jispe uske pyar ka naam tha…..
